حريشات بالشعیر
ناخد زلافة🥣 البلبولة المتوسطة ونخوي عليها الماء غليان حتی يغطيها ونخليوها من ساعة إلى ساعتين حتى تشرب مزيان من بعد نضيف معلقة صغيرة ملح نصف كاس زيت زيتون 2 معالق دانون مسوس ملعقة كبيرة خميرة فورية وملعقة صغيرة سكر كمون حبوب ممكن ضيفوا قطع الزيتون الأسود نخلط كلشي مزيان ونضيف كاس السميدة رقيقة
وتكمل جميع الخليط بدقيق الشعير او القمح الكامل على حسب المتوفر غير نخلطو بالاصابع ماشي نعجنو الخليط خاصو يكون خفيف ماشي
قاصحة نخليه يخمر عشرة دقائق ونبداو نشكلو الحريشات ناخد كورة وتفندونا فالبلبولة ونخليهم يخمرو عشرة دقائق ونطيبوهم على نار مهيلة
شعیر راه کيبغي الطياب منزربوش عليهم ملي تحيدوهم من المقلاة مباشرة
نديروهم فالبلاستيك الغدائية باش يبقاو رطبين وبالصحة والراحة ممكن البلبولة نديرو ليها الماء الساخن بالليل وصباح نكملو المراحل الأخرى
